Յարութ Շիթիլեան ` Մոնրէալի Քաղաքապետական Խորհուրդի Նախագահի Թեկնածու։
Մոնրէալի քաղաքապետ Ժերալտ Թամպլէ յայտարարեց, որ ինք կը յանձնարարէ, որ Յարութ Շիթիլեան
նշանակուի քաղաքապետական խորհուրդի նախագահ: Քաղաքապետը կը նշէ, որ իր պաշտօնը ստանձնելու
պարագային Շիթիլեան Մոնրէալի քաղաքապետական խորհուրդի պատմութեան մէջ ամէնէն երիտասարդ
նախագահը պիտի ըլլայ: 30-ամեայ Յարութ Շիթիլեան Մոնրէալի մէջ պետական բազմաթիւ պաշտօններ
վարած է: Նախքան քաղաքականութեան ասպարէզ մուտք գործելը, ան ճարտարապետութիւն ուսանած
է եւ հեռաձայնային հաղորդակցութեան եւ տեղեկատուական ճարտարարուեստի մարզերուն մէջ շարք
մը միջազգային ընկերութիւններու մօտ մասնագէտ խորհրդականի պաշտօններ վարած է: